Meldingar

Dugnad onsdag 11. juni kl 18.00

Det blir tradisjonell dugnad for medlemmer av Volda Småbåtlag onsdag 11. juni frå kl. 18.00.

Hovudoppgåva blir også i år vask og stell av sjølve bryggene i begge hamnene. Altså;
- fjerne groe frå pontongar (ta med skrape/barkespade)
- fjerne groe frå redningsstigar (ta med kost)
- vask av tredekke og metallramme (ta med høgtrykksspylar med terrassevasker og/eller skurekost og bøtte; vi treng 4-5 høgtrykksspylarar i kvar hamn, husk overgang for straum- og vasstilkoping).
Dersom høgtrykk blir brukt, må dette skje så skånsomt at treverket ikkje blir skada.

Rydding av rusk, rask, tauverk og drivved høyrer også med.

I Sentrumshamna er det nokre delar av tredekket som skal skiftast.

I Rotsethamna blir det også tradisjonell kantslått og klipping av busker og kratt.
- Ta med kantklipper, rive, hekksaks, hagesaks og trillebår.
I tillegg skal vi skifte eit par kjettingar og vaske ned Lygarbuda innvendig.

Det blir pause med kaffi, enkel servering og prat ved Lygarbuda ca kl 19.30.

Alternativ dugnad:
I Rotsethamna er det også behov for vedlikehald av nokre av straumsøylene. Dette arbeidet blir gjennomført som eigne dugnadsøkter etter nærare avtale i løpet av juni. Så dersom du er elektriker, mekaniker eller berre nevenyttig vil vi svært gjerne at du tek kontakt slik at vi kan danne ein eigen dugnadsgjeng for dette arbeidet.

Beste helsing
Styret i Volda Småbåtlag

Ledige båtplassar

Sjå Fast båtplass for informasjon om prosedyra for tildeling, og Båtplassar - Sentrum og Båtplassar - Rotset for meir informasjon om plassane.

Diesel for medlemar

Takk til Sparebankstiftinga Søre Sunnmøre

I april så skifta vi ut dei siste utriggarane som hadde flyteelement av ubeskytta isopor i Rotsethamna. Med dette håper vi å hindre plastforureining i hamna og fjorden. Denne investeringa var på over 300 000 kr, medan tilsvarande investering i Volda hamn i juni 2023 var på over 500 000 kr. Det er difor svært gledeleg at Sparebankstiftinga Søre Sunnmøre har støtta denne miljøsaneringa med 75 000 kr. Det kjem godt med.

Støtt Småbåtlaget gjennom grasrotandelen

Dersom du spelar hos Norsk Tipping kan du registrere Volda Småbåtlag som grasrotmottakar, og på denne måten støtte Småbåtlaget økonomisk. Sjå meir om korleis du gjer dette på: https://www.norsk-tipping.no/grasrotandelen/din-mottaker/997893999

Flo og fjøre